هـــــــــام (للالادارة والمشرفين والاعضاء) جدا

السلام عليكم احبائي وأخواني اعضاء منتدى شهريـــــار الجميل
بتمنى عليكم تقرو المكتوب كويس والكل يحاول يفهم كل حرف مكتوب فيه

نبتدي بأسم الله

المنتدى هوا بيتنا حيطانه الشبكة العنكبوتيه

اهله وناسه هما الأعضاء والعضوات اخواتنا

صاحب البيت ده هوا راجل سخر نفسه لخدمتكم وفاتح البيت اللي مصتضيفنا فيه قاريين كاتبين ببلاش

والمفروض كل واحد مننا يكون حريص عالبيت ده زي حرصه على بيته اللي ساكنه بالزبط

يهتم برتابته واناقته ونظافته وسمعته لأنه بيعبر عن شخصيتانا

الإدارة تعريفها ومهامها

سبق وقولنا ان الأدارة هيا صحاب البيت واللي مستضيفينا وعليهم أكيد حسن ضيافتنا ومعاملتنا واحنا من واجبنا الألتزام بقوانين الإدارة اللي احنا وافقنا عليها عند التسجيل واللي انا متأكد انك انت ياللي بتقرا موضوعي دلوقتي حطيت إشارة موافق عليها من غير ما تقراها

ما تبتسمش شفتك وانت بتسجل J

وطبعا الإدارة هتكون اكتر واحدة ملتزمة بالقوانين دي عشان هيا اللي حاطاها وهيا المثل الأعلى لينا يعني الممنوع علينا ممنوع عليها والمسموح لينا مسموح لينا

المراقبين _ المشرفين العامين _ مشرفي الأقسام تعريفهم ومهامهم

هما ناس من ضيوف البيت ده اعضاء زينا زيهم وجدت الإدارة في نشاطهم ونضجهم وشخصيتهم مثال للقدوة الحسنة

فقررو تكليفهم بمهام إضافية وهما رضيو فيها عن طيب خاطر

واللي فاكر ان الأشراف تشريف أكيد غلطان ولما يراقب اعمال المشرفين هيعرف انها تكليف ومسؤليه مش تشريف أبدا

واخوانا دول اللي اختارتهم الأدارة المفروض يكونو عند حسن ظن صاحب البيت فيهم

يعني لو ما كنش لمس فيهم تميز وإبداع ما كنش كلفهم بالمهمة دي

وهما لازم يكونو حريصين عالبيت ده زي حرص صاحب البيت بالزبط وعليهم ان يكونو القدوة الحسنة لباقي الأعضاء والعضوات

ويكونو هما المحفذ الأساسي للأقسام وهما شرارة الأنطلاقة للتحليق في سماء العلوّ والرفعة

ويكونو مثال يحتذى به في انتقاء مواضيعهم وردودهم واللي ممنوع انه العضو يعمله يحرّم على المشرفين الأقتراب منهم

لأنه في مثل بيقول (( إذا كان صاحب البيت للدف ضاربٌ فشيمة أهل البيت الرقص ))

يعني أي حد مننا ممكن الإدارة تطلب منه يمسك المسؤليه دي هنا بأه كل انسان يتحاسب على قراراته

يعني لما حد يتعرض عليه مسؤليه لازم يفكر كويس ويسأل نفسه السؤال ده ( هل انا قد المسؤليه دي ولا لأ؟) والمفروض انه يكون صريح على الأقل مع نفسه

فإذا شاف انه مش هيكون قدها نصيحتي له انه يرفض الطلب ده عشان ما يكونش اساء لنفسه اولا

ولباقي الأسرة تانيا

ولصاحب البيت اللي وضع ثقته فيه تالتا

ولو سألنا نفسنا بصراحة ايه المطلوب من المشرف

هيكون الجواب سهل وواضح اوي

يعني مطلوب منه يكون قدوة بكل ما تحمله الكلمة من معنى

قدوة في المحبة والتآخي وربط اواصر صداقة الأسرة ببعض

يكون هوا اول من يلتزم بالقوانين عشان يقدر يطلب من غيره انه يلتزم بيها

يحس ان البيت ده بيته ويدافع عن رقيه وسمعته بكل اخلاص

ان يحاول بطريقة كتابة ردوده ومواضيعه انع يعلم باقي الأعضاء اصول الرد والنقاش والأبتعاد عن الردود السلبية

وأخيرا انه يفتكر دايما انه هوا عضو ومعاه تكليف يعني مش مسؤل وباقي الأعضاء اقل منه لأ هوا منهم

اخيرا بأه الأعضاء تعريفهم ومهامهم

الأعضاء هم أفراد هذه الأسرة اللتي تجمعنا

واجباتهم الأستفادة من خبرة باقي اخوانهم

تقديم الفائدة لباقي أخوانهم

ما ينظروش لأنفسهم ان هما أعضاء وبس لأ هما صحاب البيت ده ومسؤلين عنه زيهم زي صاحب البيت ولازم يراعوه ويحافظو عليه من كل النواحي ويبلغو اي اداري او مشرف عن اي خطأ يشوفوه ويفتحو قلبهم وعقلهم بقسم الأقتراحات عشان نوصل للصيغة المثاليه اللي تخلي البيت ده اهم واحلى وارقى بيت